तिमी भएर

आज म खोल्दै छु मौनता
सुनाउन चाहान्छु बिस्तारै
मेरा मनका कुराहरु
जुन कुराको प्रतीक्षामा तिमी थियौ
प्रतीक्षारत लामो समयदेखी

तिमीले बोलाउदा अभिसारिकाको नामले मलाइ
म लाजले भुतुक्कै हुन्थे लज्जावति झै
तिमीले सधै सपनाको कुरा गर्दा
सपनामा मलाइ देखेको कुरा गर्दा
मेरा पनि मनमा नखेलेका हैनन्
सपनाहरुले लुकामारी तिम्रै छायाको वरिपरि
तिमीले लेखिरहदा प्रेमपत्र
अनि मेरै नाममा कविताहरु
मेरा पनि हातहरुले लेख्न नखोजेका हैनन्
तिम्रा नाममा कविताहरु,
बाटोमा तिमीलाइ देख्दा
आखाहरुको मौन सम्बाद हुँदै गर्दा
मेरा परेलामा नलागेका हैनन्
लाजका गाजल
तिमीले सदाबहार मुस्कानले
स्वागत गर्दा मेरो आगमनलाइ
ओठमा खुसीको लाली नछाएको कहिले होला !
तिमीले तिमी भएर आएपछि
मेरा पनि नछुटेका हैनन
कति रातका निन्द्रादेवी सङका गोप्य वार्तालापहरु
तर ती सबै सबै रातहरु
अनि तिम्रा सबै बातहरु प्रिय् छन मेरा निम्ति

तिमीले पर्खिरहदा,
जुकरवर्ग क्याफेमा मेरै पर्खाइमा
मलाई पनि आउन मन नभएको कहिले हुदो हो
तिमीले भने जस्तै गरि जुकरवर्ग क्याफेमा बसी
चुस्की लगाउदै तिता मिठा गफहरुको
तिम्रा दैनिकी म सङ अनि मेरा दैनिकी तिमी सङ साट्दा
मसला थप्दै अलिकती ठट्यौलीको
अनि एक सर्को खुसी बाड्न पाउँदा
त्यो एकान्त शुन्यता बोकेको रात पनि
कति प्रिय बनाइदिन्थ्यौ तिमी ।
साक्षी त आज तिम्रा यादहरु छ्न
जो निस्संदेह आइदिन्छ्न हरबखत

हुन त म निशब्द छु
तिम्रा ती प्रेममय स्पर्शहरु सङ
तिम्रा साहारा र विश्वासका छाहरी सङ
आरोह अवरोहका गल्छिहरु चड्दै
तिम्रो मनको विशाल आयतन देखिसकेँ
अब त मेरा मनका फाल्साहरू आश्वस्त भैसकेका छन्
एकसरो धमनीहरू साक्षी बसेका छन्
र हातहरू तम्तयार छन्
हाम्रो पिरतीको तमसुक लेख्न ।